Shillong, Iaiong 28: u Superintendent ki Pulit jong ka South West Garo Hills District u Vikash Kumar la iathuh ba haduh mynta ka sngi la ioh ban kem 9 ngut ki briew kiba la suba don kti ha kaba leh beijot ka khynnah kum ka kynhun ha Chenga Benga ha ka 16/iaiong/2024.
Ia kane ka ejahar la register ha Ampati ka police Station ba peit da ki kynthei bad la register ia ka ejahar hapoh jong ka kyndon POSCO Act, ka jingthohkit halor kane ka dang iaid.
Na ka jaka ba ki runar ki leh ia kane ka kam dakaid la ioh ban lum ia ki jingpynshisha bad la shim ia ka jingphla ka khynnah bad la phah eksamin ha kaba la ioh ruh ia ka kaiphot bad kiwei ki jingpynshisha bad haduh mynta la kem 9 ngut ba roh ki dei na ka shnong Teporpara na Assam.
Ia kitei baroh la ioh kem da ka jingiatreilang bad ki pulit jong ka South Salmara District jong ka jylla Assam bad laioh ban kurup haduh hynniewtylli ki mobile phone na kiba la shah kem bad ka jingpeit bniah ban buddien ia ki nongleh kam sniew.
Ha ka jingtohkit kila phla ba kila knieh jubor iaka mobile na u wei u briew bad kila byrngem ban pyniap bad ia ka pisa kila knieh na u wei pat u briew, halor kane ka jingleh jong ki la register ia ka ejahar hapoh Ampati Police Station.
Ka jingtohkit na ka liang jong ki pulit kala dang iaid sha khmat bad ki don ka jingkyrmen ba kinsa ioh ban kem ia baroh, la kyntu ia ki paidbah ba lada ki don ka jingtip ia kine ki riew sniew ba kin pyntip lem sha ki pulit.
