La plié pyrda iaka Rural Youth Festival kaba 3 sngi ha Williamnagar

_{Williamnagar, Kyllalyngkot 08:  Ka NYKS,Williamnagar, East Garo Hills District kum shibynta ban rakhe ia u snem uba kyrpang na ka bynta ki samla (Meghalaya Youth Year) lyngba ka jingkyrshan jong ka sorkar jylla lyngba ka Directorate of Sports & Youth Affairs, Govt. of Meghalaya mynta ka sngi kala plié pyrda iaka  Rural Youth Festival (i.e. 8}^th _{– 10}^th _{January 2013) ha Resubelpara, North Garo Hills District kaba dei ruh ka District kaba dang Thymmai.}

_{Ha kane ka RYF la wan ban iashim bynta da palat 150 ngut ki samla kynthei bad shynrang lyngba jong ki Seng Trei mon sngewbha (Youth Clubs,NGO, Civil Societies). Ia kane ka RYF la plié pyrda ha ka jingialang kaba iphuh iphieng da u kongsan Shri. L.Ch Marak (ADM) Resubelpara, North Garo Hills District ha ryngkat ka jingiadonlang jong u Shri. R.P.S. Thakur Zonal Director NYKS, Meghalaya Zone kum u symbud kongsan, ha katei ka sngi ba kyrpang la  iadonlang ruh u Samla Kitboklang Nongphlang uba dei ruh u State Liaison Programme Officer.}

_{Haba kren kum u Kongsan ha katei ka sngi u L.Ch Marak (ADM) Resubelpara, North Garo Hills District ula pynpaw ba wat la kane ka dei ka District kaba dang Thymmai hynrei ka long pat ka District kaba donbok shibun eh namar kala ioh lad ban pynlong ia kiba kum kine ki Programme ban pynurlong iaka jingangnud jong ki samla ba kin long ki Khlur kiban Tyngshain  na ka bynta ka Lawei kaba Phyrnai jong  ka Ri bad ka Jaitbynriew, ha kaba u la ong ruh ba ki samla jong ka Jylla Meghalaya kim long shuh kiba dang sah dien ha ka Pyrkhat ka Pyrdain lane ha ka jing nang jing stad haba ianujor bad kiwei pat ki Jaitbynriew jong kiwei pat ki Jylla kiba la kham iaid shakhmat, hynrei ki dei pat ban Trei shitom bad ban don ruh iaka mynsiem iakhun ha baroh ki liang. Ha kane ka sngi ha ka Session kaba Ar la ai ruh ia ka Jinghikai halor ka Phang ‘Career Guidance & Councelling’ na i Smt. Sengmetira Sangma Lecturer DIET, Resubelpara, North Garo Hills District kum shibynta ban btin lynti ia ki khun samla khnang ba kin ym shah ialam bakla lane ba kin jied pat da kiwei ki lad ki lynti ha kaba kum kane ka por kaba kum ka District bad ka Thain Garo Hills hi baroh kawei ka mad ia kiba bun ki jingeh lynga ka jing mih jong ki Seng Kieng Atiar ban pyntriem iaka imlang ka sahlang}

     _{Ha kane ka sngi na ka liang jong ki samla kiba la wan ban iashim bynta ha kane ka Lympung kila pynpaw ia ka jing sngew kmen kaba khraw  da kaba ong ba kane ka long shisha ka jing kyrkhu na ka bynta ki khun samla ban wanrah pat iaka jing ia tylli bad ban ia treilang kawei naka bynta ban wanrah pat i aka shong suk shong shngain ha ka Jylla hi baroh kawei. .(SP News)}