Shillong, Rymphang 15: Ka jingpynkhreh pynkhrum la dep ban pynbiang ban plie ia ka durmot jong u Tirot Sing Syiem la shai ka sngi ha Dhaka, mynta ka sngi u symbut myntri rangbah ka jylla u bah Sniawbhalang Dhar bad u bah Paul Lyngdoh myntri ba dei peit ia ka tnad pynneh pynsah riti dustur bad ki ophisar kila ia don mynta sha Dhaka.
Ki nongmih khmat na ki saw tylli ki hima kiba la shah jied kila ia leitlang ban sakhi lang ban sa plie ia ka dur mot jong u Tirot Sing Syiem, na ka hima Nongkhlaw bad hima Khyrim la mih khmat da ki Syiem Khynnah bad na ka hima Mylliem bad Bhowal la leit ban mih khmat da ki Syiem.
Ha kane ka jingleit la ialam lang ruh ia ki nongrwai tynrai kawei na thain Wahkhen bad kawei na ka thain Nongstoin bad baroh ki la mih mynta ka sngi na Shillong bad por jan miet kila poi sha Dhaka bad ka jingplie ia u Durmot kan long la shai ka sngi.
Ha kane ka jingpplie paidbah ia u dur mot la shai ka sngi yn don lang ruh u High Commissioner jong ka Ri India sha Bangladesh. Kane kan long ka sien kaba nyngkong ba ia ka dur jong u nongialeh laitluid na ka jaidbynriew khasi la plie sha bar jong ka Ri India.
Lah ban pynkynmaw ba dei u myntri rangbah ka u Conrad K Sangma ha ka jingleit jong u ban ialam ia ka khynhun sha Bangladesh u la leit ban jngoh ia ka jaka bala sep phatok shirta jingim ia u Syiem Tirot Sing kaba u la dkut mynsiem ha katei ka ri nongwei.
