Shillong, Kyllalyngkot 25: Ka long ha ka sien kaba nyngkong ba ka Raj Bhavan ha ka jingiatreilang bad ka Meghalaya Agri Horticulture Society, Shillong bad ka State Directorate ka tnad Horticulture kala pynlong ia ka jingpyninam ia ki syntiew ha a sien kaba nyngkong ha Raj Bhavan.
Ia kane ka jingpynin nam la plie paidbah da u Lat ka jylla u CH Vijayashankar, kane ka jingpyninam kala khring ia ki paidbah ban wan peitkai bad na ka liang jong u Lat ka jylla u la ong ba dei ban pynneh pynsah ia ki syntew kumba ki long.
U la ong ba ki briew jong kane ka nongbah Shillong ki sngewtynad ba ki ieit ban thung syntiew bad ia ki long ki briew kiba ieit ia ki jngrwai dei na kane ka daw ba ki don shibun ki nongrwai kiba tbit na kane ka jylla.
La ong ba dei na kane ka daw ba la pli ia ki paidah ia ka Raj Bhavan ar sien shisnem ia ki paidbah kata 15/Nailar bad ka 26/Kyllalyngkot jong man u snem bad kane ka long ban ailat ia ki paidbah ba kin wan ban iaid sngewtynnad ha kane ka jaka.
U Dr. BDR Tiwari ba dei Commissioner jong u Lat ka jylla la ong ba kane ka dei ka kabu ia ki paidbah ban ioh ban wan jngohkai ia kane ka jaka kaba u Lat ka jylla u la ai ka lat ia ki paidbah ha kine ki ar tylli ki sngi khraw jong ka Ri.
Kane ka jingpyninam ia ki syntiew ka long ka burom ia ka Meghalaya Agri and Horticulture society namar la bun bun snem mynta kila pynne ia kane ka jingpyninam ia ki styntiew ha kane ka nongbah Shillong, kumba ka long mynta la pyninam haduh 300 jait ki syntiew da ki 30 ngut ki dkhot kane ka kynhun ha Raj Bhavan.
