Shillong, Lber 21: Ka Meghalaya State Disaster Management Authority (MSDMA) bad ka District Disaster Management Authorities (DDMAS) ha ka jingpeit jong ka Revenue bad Disaster Management Department da ka jingiatreilang bad ka National Disaster Management Authority (NDMA), ka tnad kam poh iing ka sorkar pdeng kila pynlong ia ka jinghikai ha baroh 12 tylli ki District ha ka jylla bad ha baroh ki Civil Sub-Division la dep ban pynlong ia ka State Level Mock Exercise.
Ia kane ka jinghikai la pynlong ha ka 20/3/2025 ha baroh 12 tylli ki District, ha ki 12 tylli ki Civil Sub Division bad 24 tylli ki Block ha ka jingpeitngor jong ka NDMA na nongbah Delhi jong ka sorkar pdeng bad ha kane ka ioh ia ka jingiatreilang na baroh ki liang khamtam na ka State Incident Response Team (IRT), na baroh ki tnad sorkar bad bad na ki DC.
Kiba la ia shim bynta ki long na ka ki shipai suin, CRPE, BSF, Assam Rifles, BRO, NDRE, Police, SDRE, MPRO, F&ES; Technical Institutions, kum na ka kynhun NESAC, NCS, GSI, IMD, UAV/GIS Center, ka tnad Telecom bad TSPs, NGOs, Volunteeer Organizations-NCC, NSS, Bharat Scouts bad Guides, NYK, Indian Red Cross Society, Aapda Mitra bad ki paidbah.
U Chief Secretary ka jylla u bah DP Wahlang, ha ka jingkren u la ong ba kane ka jinghikai ka long ban pynsngewthuh ia ki paidbah nongshong shnong ban long kiba jai jai bad sngewthuh kumno ban iada ia lade haba don ka jingkhih jumai, u la ong ba ka jingiatreilang kan iarap haba don ka jingshah lynshop ha ka mariang kum kane ka jinghilai ka long kaba don kam.
U Lt. Gen. Syed Ata Hasnain, dkhot jong ka NDMA, New Delhi u la ai ka jingiaraoh ia ka sorkar jylla kaba la lah ban pynlong katkane ka jinghikai ha ka jingiadonbynta long ki riew paidbah bad ki kynhun shipai bad kane kan wan rah shisha ia ka jingiatreilang lada don ka jingshah lynshop ha ka mariang.
U Maj. Gen. Sudhir Bahl (Retd.), Lead Consultant (ME & IRS), NDMA, New Delhi ula ong ba ka sorkar ka jylla ka dei ban pyndon kam ia ka jingiatreilang kum ka NESAC, ki shipai suin kiba lah ban iarap kano ka jaka kaba don jingman na ka jingkhih Jumai bad u la ban jur ban don ka jingiatreilang hapdeng ka sortkar jylla bad ka NESAC bad u la ong ban long kiba la khreh lada ka wan shisha ka jinglynshong ka mariang.
U Sanjay Goyal, IAS ba dei Commissioner bad Secretary ka sorkar Meghalaya ba dei peit ia ka tnad Revenue bad Disaster Management la ong ba kum kine ki jinghikai dei ban long khah khah ban sngewthuh ia ka jingpynkhreh bad ka sorkar jylla kala don ia ka
Disaster Management Plans (DMP) bad la bthah ia baroh ki DC ba kin pynlait por ban batai ia kane ka jingpynkhreh, ha kane ka sngi la don ruh bun kiwei kiwei ki ophisar sorkar.
