Shillong, Naiwieng 04: Ki bor jong ka District Administration mynta ka sngi 04/Naiwieng/2026 kala pynmih ia ka hukum ba dei ban leit pynpait noh ia ki tala ba la khang da ka Khasi Hills Autonomous District Council ia ka ophis jong ka Ropeway ha Madan Laban.
Da katei ka hukum ki Magistrate ryngkat ki pulit kila leit sha katei ka jaka ba don ka ophis jong ka kompeni ban shna ia ka Ropeway ha Lum Shyllong bad kala pynpait ia ki tala ban plie noh ia katei ka ophis kaba la khang da ka District Council ha ka 17/Risaw/2026.
Halor ka jingleh jong ka District Council ka tnad jngoh kai pyrthei kala thoh da ka shithi sha u Secretary ka KHADC ba ki dei ban leit plie noh ia katei ka ophis hynrei na ka liang jong ka KHADC kam shym la sngap ia katei ka shithi kaba la phah da ka sorkar kumta mynta ka sngi ki bor sorkar kila leit ban pynpait noh ia ki tala.
Ka Commissioner Secretary ha kine ki sngi bala dep kala dep ban kren shai ba katei ka jaka ba shna ia ka ophis jong ka Ropeway ka dei ka jaka sorkar ha kaba ka District Council kala dei ban da kylli byrthew hynrei ka jingleh jong ki kala pynlong ia ka sorkar ban ujor da ka ejahar namar ki hap ban iada ia ki jaka bad kala ong lada ka District Council kam sngap ka sorkar ka hap ban pyndonkam ia ki bor ka ain.
