Shillong, Naiwieng 27: Ka Chief Secretary jong ka jylla Meghalaya mynta ka sngi kala pyntip ba ka sorkar kala wanrah ia ka jingpynkylla ha ka jingpynbna bad mynta la shah ban ialum briew haduh 75 % ha ki jaka mane blei.
Katkum ka jingpynbna kaba la pynmih mynta ka sngi ka long ba ha ki iing mane, ki Temple, Guru dawra bad kiwei ki jaka mane blei la shah ban ia lum haduh 75% katkum ka jingngiam ka jaka.
Ha kane ka jingpynbna mynta ka sngi la pyntip ruh bala weng ia ka adong ban ban leit sha ki jaka mane blei tang kiba la 18 snem shaneng, hynrei kito baroh kiba leit sha ki jaka mane blei ki dei ban but ryntih iaki kyndon bala bthah ha kaba ia dei bad ka COVID-19.
La bthah ia baroh ba ki paidbah ki dei ban bud ryntih ia ka jingpynia jngai wei na iwei san phut kane ka long ban iada na ka jingpynsaphriang ia khniang jingpang COVID-19, ia ka jingpynbna sa soi da ka Chief Secretary ka kong R V Suchiang.
