New Delhi, Naiwieng 24: U Myntri Rangbah duh ka ri, u Narendra Modi un ai jingkren ha ka jingialang pynkut ia ka 80th All India Presiding Officers Conference ka ban long ha ka 26 tarik Naiwieng ha ka por 12:30 janmiet lyngba ka video conferencing.
Ka All India Presiding Officers Conference ka la sdang ha u snem 1921. Mynta la rakhe ruh ia ka jingdap shispah snem jong ka Presiding Officers Conference. Ban rakhe ia ka jingdap shispah snem, la pynlong ia ka Conference kaba ar sngi ha Kevadia, Guajarat ha ka 25-26 tarik Naiwieng. Ka phang jong ka Conference mynta u snem kalong “Harmonious Coordination between Legislature, Executive and Judiciary- Key to a Vibrant Democracy.”
Ia ka Conference yn plie da u President jong ka ri, u Ram Nath Kovind ha ka 25 tarik Naiwieng. Ha kane ka Conference yn iadonlang ruh u Vice President jong ka ri bad u Chairman jong ka Rajya Sabha, u M. Venkaiah Naidu, u Shongknor jong ka Lok Sabha bad u Chairperson jong ka Conference u Om Birla, u Lat ka jylla Gujarat, u Acharya Devvrat, u Myntri Rangbah jong ka Gujarat, u Vijay Rupani bad kiwei kiwei ki heh ki hain.
