New Delhi, Nailur 21: Ka sorkar pdeng mynta ka sngi kala thung ia u Air Marshal Amar Preet Singh, PVSM, AVSM, u ba dei u Vice Chief jong ki Air Staff, ban shimti ia ka kam kumu khlieh duh jong ki shipai suin ha ka kyrdan u Air Chief Marshal.
U khlieh shipai suin ba thymmi un shimti ia kane ka kam ha ka 30/Nailur/2024 nohphai sngi, u khlieh shipai suin ba mynta u Air Staff Air Chief Marshal Vivek Ram Chaudhari, PVSM, AVSM, VM, ADC un sa shongthiat na ka kam ha ka 30/Nailur 2024.
U khlieh duh ki shipai suin ban sha shimti shen la kha ia u ha ka 27/Risaw/1964 bad u la rung ha ka kam shipai suin kum u nongniah lieng suin ia pom ha u Nohprah 1984 bad la don ha kane ka kam mynta la 40 snem bad u la trei ha ki kyrdan bapher bapher wat sha bar jong ka Ri India ruh.
La pyndep ia ka jingshah hikai kum shipai na ka National Defence Academy, Defence Services Staff College bad National Defence College, bad kum u shipai suin u la pynher ia ki liengiapom 5,000 kynta baroh jong ki lieng suin ia pom ba bun jait naduh ki MIG-29 kiba ka India kala thied na Russia.
