Shillong, Nailar 12: Ka jingiakhih jong ki nongtrei ka SSA kala sdang naduh ka 01/Nailar?2024 kala kot sha ka 13 Sngi, ki nongtrei ka All Meghalaya SSA Non-teaching Staff Association, kiba pynlong ka jingiakhih ha Madan Malki, ha kaba iadei bad ban dawa kyntiew ia ka tulop.
Ka Sorkar Jylla lyngba ka tnad pule puthui kala phah ia u bah Banteidor Kharshandi Under Secretary Education ban phah iakren ia kitei ki nongtrei SSA ban Weng noh ia ka jingiakhih, katba ki nongtrei ka SSA kila rai ban dang bteng beit ia ka jingiakhih.
Na ka Liang Jong kitei ki nongtrei SSA ki pyneh beit wat haduh ka 12 tarik u Nailar ha kaba kila ong ba kin iakhih namar ka jingiakren kam shym poi wat la ka u myntri rangbah la bthah ba kin ia kren bad u Commissioner Secretary tnad pule puhti u Dr. Vijay Mantri u la don bad ba u la khmih da lade ban ia kren bad ki nongtrei SSA.
Ban pynbeit ia kane ka jingeh ka sorkar ha ka 01/Nailar/2024 ka la thaw Rehabilitation Committee ban peit sani ia ka jingdawa jong Non teaching staff SSA ia ka Tulop kaba ki kwah ban kyntiew 80 persen katba ka sorkar ka ai tang 25 persen.
Halor kane ka jingtyrwa 25% na ka Liang ki nongialam katei ka kynhun ka Kong Jenifer June Synrem President kum ka President haba bud dien ia katei ka committee kan sa pyntip bad pynsngew sha ki para dkhot ka seng.
Ka President jong kane ka seng ki nongtrei SSA ka long Jennifer kala ong ba haduh mynta kim pat ioh kano kano ka jignpyntip bad kum ka seng kin dang bteng ia kane ka jingiakhih haduh ba ka sorkar kan pdiang ia ka jingdawa ka jong ki.
Katei ka nongialam kala ong ba lada ka sorkar kam pynurlong ia ka jingdawa ka jong ki ha lane shuwa ka 15/Nailar/2024 ki dang pynjur shuh shuh ia ka jingiakhih jong ki ha kaba ha ka sngi rakhe ia ka sngi leh kmen jong ka jinglait luid ka Ri India kin ia khih da kaba deng lama iiong.
