Shillong, Kyllalyngkot 24: ka long kaei kaei kaba kyndit ban iohi ba la lap ba la don san tylli ki Langbadur kila iap ha u ksainar ilektrik ha Nan Polok u ba don ha katei ka jaka ha kaba u ksainar ilektrik u don ha jrong ka jingkieng ha Nan Polok.
Ka jingkylli ka long hato ki nongpyniaid ia ka Nan Polok kim iohi ba kine ki san tylli ki Langbadur kila iap ha ki ksainar ilektrik kiba don ha jingkieng Nan Polok, ki la dei ban khot ia ki briew jong ka MeECL ban weng ia ki na katei ka jaka.
Ha ka juh ka por mynta ka sngi la iohi ba ki don ruh ar tylli ki dohkha kiba per ha sla um ba kila dep iap, ki bor ba dei peit ia ka Nan Polok kila dei ban phah tong noh ia kine ki dohkha kiba la iap.
Mynta ka sngi ki nongleit sha Nan Polok kila pynsngew ba kan bha lada ki bor ba dei peit ia kane ka jaka jngohkai pyrthei kaba i tynnad ba kan phah weng ia kitei ki Langbadur kiba iap bad ia ki dohkha kiba iap ban phah tong noh na pung.
