Shillong, Nailur 28:Ka Khasi Students’ Union (KSU) Upper Shillong Circle, hadien ba ka ioh ia ka jingujor na ki nongshong shnong ka thain San mer, Upper Shillong halor ka ji
ngdon jongki briew kiba wan ban lehniam puja, da kaba bret pathar ia ki blei thaw ha ki tyllong umbam umdih.
Na liang jong ka KSU kala ong ba kane ka jingleh ka ktah ia ka jingkhuid jingsuba bad khamtam eh ia koit ka khiah jong ki nongshnong shnong jong kane ka thain kiba dih ia ka um na kane ka tyllong.
Ka Seng mynta ka sngi ka leit ban sakhi da la ki jong ki khmat bad lah ioh ruh ban sei katto katne ki blei thaw kiba don hapoh katei ka tyllong umdih. Kumta ka seng sngew ban pynpaw ka jingpyrshah bad maham tyngeh ia kito kiba lehniam bad lada ka lap ka seng hi kamn sa leh da kaba tyngeh.
Shuh shuh, ha kaba iadei kane ka seng ka buh ruh ia ka jingkyntu ia ki bor kiba dei peit ba kin pynkhuid noh mardor bad ba ki dei ruh ban buh ka jingmaham ha kito ki jaka.
