Shillong, Jylliew 04: Ha dien ba ka sorkar Bangladesh kala pynmih ia ka hukum ba ki Briew kiba shong hapoh jong ka Nahar Punji ki dei ban mih noh hapoh ka hynniew sngi, kala buh ia ki paidbah ha pdeng ka jingeh kaba khraw ba bun na kine ki dei ki Khasi kiba la shim ia ka rai ban sah ha Bangladesh ha dien ba kane ka Ri kala ioh Laitluid na ka Pakistan ha u snem 1971.
Halor jong kane ka rai kaba la pynmih da ka sorkar jong ka thie ka Ri Bangladesh ki nongialam jong ka ka Nahar Punji mynta ka sngi kila leit sha Dhaka ban ia kynduh ia ki bor sorkar jong ka Ri jong ki, la iathuh u bah S Pohthmi, ia ka kyrteng ba shisha la buhrieh, kane ka jingleit sha Dhaka ka long ban ia pynbeit ia kine ki jingeh kiba la mih na katei ka hukum.
Katkum ka jingiathuh jong u tei u rangbah u ba dei na ka thie ka Ri Bangladesh u la ong ba ha kane ka jaka Nahar Punji, kiba bun na ki nongshong shnong ki dei ki Khasi kiba la kylla long ki nongshong shnong jong ka Ri Bangladesh ha dien ba la ioh ia ka jinglaitluid na ka kti jong ka Ri Pakistan.
