Shillong, Nohprah 17: Ka “Committee on Empowerment of Women” kaba la khlieh da ka kong Santa Mary Shylla,kum ka shnognknor kila ban jngoh ia ka long kmie kaba la shah thang ha u lok jong ka ha ka shnong Niriang kaba hap hapoh ka Thadlaskein Block jong ka West Jaintia Hills District.
Kane ka long kmie kaba la shah thang ha u lok ka don hynriew ngut ki khun bad wei ba dang rit la shah thang lang ha u kurim, ha kane ka jingleit nalor ka shongknor la don lang ki dkhot u bah Adelbert Nongrum, bah Wailadmiki Shylla baroh ar ngut ki MLA bad ki ophisar na ka iing dorbar ka Meghalaya Legislative Assembly Secretariat.
Ka shnongknor jong ka CEW ka kong Santa Mary Shylla kala pynpaw ia ka jingsngew kyndit ka jong ka halor kane ka jingjia kaba sherkhei bad kala pynkyndit ia ki paidbah bad sngew kyndit shisha ia kane ka jingjia.
Ka shongknor jong ka kommittee bad u MLA jong kane ka jaka kila ai ka jingkular ba kane ka long kmie kan ioh ia ka jingsumar kaba bha bad kala ba ka sorkar kan kyrshan ia kane ka jingsumar bad na ka jingmong kaba la paw kam shimpor ba pynkhiah bad kin ai ka jingkyrshan ia ka iing ka sem.
La kyntu ruh ia ki pulit ba kin da pynlong ka jingtohkit kaba jainai halor kane ka jingjia bad ban pynthikna ba u nongleh ia kane ka kam runar yn nym lait na ka kti jong ka ain, la ong ka kong Santa Mary Shylla shongknor ka kommittee.
U bah Adelbert Nongrum MLA ba dei dkhot jong kane ka committee u la ai ka jingkular ia ki paidbah ba kane ka committee kan bud dien kane ka jingjia, la ong ba ka sorkar bad ki bor ba dei peit kin leh ia kaba don kam ba u nongleh kam sniew un ioh iala ka bainong.
U Bah Wailadmiki Shylla MLA, u la kdew ia ki skhim kiba ka sorkar pdeng bad ka sorkar jylla ka don ban iarap ia kiba ngat ha kum kane ka jingjia kaba sngewsih.
Ki jongiarap ki long kum ka Ayushman Bharat bad ka jingiarap bai lutksan ia kiba ngat ha kum kine ki jingia kiba sngewsih bad ka jingiarap ka long hadpeng lai haduh hynniew lak tyngka bad la bthah ia ka Legal Service Authority ban leh kloi ia kane ka kam.
