Shillong, Naiwieng 23: Mynta ka sngi ka Seng Khasi Kmie kala rakhe ia ka lyngkhuh 124 snem jong ka Seng Kut Snem bad ka sorkar kala pynbna ruhkum ka shuti ha ka jylla baroh kawei ban rakhe ia kane ka Seng Kut Snem 2023.
Ha kane ka sngi ki don ki jaka treikam jong ka sorkar pdeng kum ki Post Office, ki Bank bad kum ka NIFT, ka NEIAH kiba la plie ha kane ka sngi, na ka liang jong ki dkhot ka seng kila leit ban phah khang ia ki ha kane ka sngi.
Ha Mairang ki dkhot jong ka seng KSU kila leit ban phah khang ia ka post office kaba don ha katei ka jaka namar kala plie ha kane ka sngi, ha New Shillong ki dkhot ka seng KSU kila leit phah khang ia ka ophis treikam jong ka NIFT bad ka NEIAH.
Ha kane ka sngi ki dkhot jong ka KSU kila khang ia ki jaka trei kam jong ki ophis sorkar namar kane ka jingleh ka long baki khlem burom ia ka sngi ba kyrpang jong ka jaidbynriew Khasi kaba la tip kum ka Seng Kut Snem.
