Shillong, Feb 04: Ri Bhoi, Meghalaya: Kum shi bynta ka Press Tour sha jylla Meghalaya ba la pynlong da ka Press Information Bureau (PIB), Sorkar India, ka kynhun ki nongthoh khubor na Karnataka mynta ka sngi ki la leitjngoh ia ka UmdenDiwon Silk Village kaba don ha Ri Bhoi district, kaba la tip bha na ka bynta ka dustur ba riewspah jong ka jingthain silk bad ka jingthainjain ba la don nongrim ha ka imlang sahlang.
Ka shnong kalong kaba pawnam ha kaba pynmih ïa ka Eri Silk, kaba la tip ha ka thaiñ kum ka Ryndai, kaba dang shen ka la ïohïa ka dak ba kongsan jong ka Geographical Indication (GI), kaba ithuh ïa ka jinglong kyrpang jong ka ha ka kam thaiñjain bad ka jinghiar pateng ka deiriti.
Ka Eri silk ka dei ka silk ahimsa (ka bym don jinglehdonbor), kaba la lum khlem da buh jingma ia ki khniangryndia, kaba pynlong ia ka kum ka jain kaba lah ban pynnehpynsah ia ka mariang bad kaba la pynmih da ka jingbahkhlieh.
Ha kane ka jingleitjngoh, ka kynhun ki nongthoh khubor ka la ïakren bad ki nongtrei kti na ka thaiñ, khamtam eh ki kynthei nongthaiñjain, bad ki la ïoh jingtip shaphang ka rukom pynmih jain silk naduh ka jingri bad jingpynkhreh ïa ki khniang ryndia haduh ka jingai rong bad ka jingthaiñjain da ka kti.
Ki nongtrei kti ki la pyni ia ka jingpyndonkam ia ki rong ba la shna na ki jingthung ba don ha ka thain bad ki mar organic, kiba ai ia ka Eri silk ka rong ba kyrpang jong ka katba ki pynthikna ia ka jingpynmih kaba lait na ki dawai bad kaba iadei bad ka mariang.
Ki nongthoh khubor ki la ïakren bad ki dkhot jong ki Self Help Group (SHG) ba ïalam da ki longkmie, kiba la ïasamïa ki jingshem jong ki ban pynnehpynsahïa ki rukom thain jain tynrai, ban kyntiew ïa ka jingpynmih, bad wanrah ïa ki lad kamai kiba lah ban iaineh lyngba ka jingtreilang.
Ka kynhun ka la peit ruh ïa ki rukom shna jain kiba iar bad ka jinglong tynrai jong ki mar Eri silkkum ki shawl bad ki stole, da kaba iarohïa ka jingpyniasoh ia ka ritidustur bad ka jingtbit kaba long ka dak jong ka jingtbit jong ka UmdenDiwon.
Ki jingiakrenkilong shaphang ka jinglah ban ioh ia ki iew ki hat, ka jingpyniaid iew ia ki mar ba don GI tagging,bad ka bynta jong ki lad pathai khubor ha kaba kyntiew ia ki kam shna jingshna tynrai ha ka ri.
Ka jingleitjngoh ka la nang kham don jingmut ha ka jingïadei bad ka jingkren jong u Myntri Rangbahduh ka ri u Narendra Modi shaphang ka Eri Silk jong ka Meghalaya ha ka bynta kaba 123 jong ka Mann Ki Baat, ha kaba u la iarohïa ki jingsaindur ba iar jong ka India, ki kam shna jingshna, bad ki sap tynrai.
U Myntri Rangbahduh u la ïarohïa ki longkmiei jong ka jylla Meghalaya kiba la lamkhmatïa ka jingpynmihEri Silk lyngba ki Self Help Group, da kaba bataiïa ka kum ka nuksa jong ka jingiaineh, ka jingpynnehpynsahïa ka kolshor, bad ka jingpynmihïa ki lad kamaikajih.
Ki dkhot jong ka kynhun ki nongthoh khubor na Karnataka ki la iarohïa ka jingiaineh bad ka jingaitilut jong ki nongtrei kti bad ki la ai khubleiïa ka bor jong ka Umden Diwon Silk Village ban nohsynñiang ha kaba kyntiew ïa ki mar tynrai ba la buh dak GI, ka jingseng kam seng jam ha ki jaka nongkyndong, bad ka kam jngohkai pyrthei kaba iaineh ha ka thaiñ.
