Shillong, Naitung 08: U Myntri khynnah ka sorkar pdeng u George Kurian u la wan sha kane ka jylla Meghalaya ban ia shim bynta ha ka jingialang jong ka State Executive Comminttee jong ka party BJP ha kane ka jylla Meghalaya.
Haba kren sha ki lat pathai khubor mynta ka sngi la ong ba mano ban pyrkhat ba ha ka jylla Goa ba bun ki Khristan ka party BJP kan ioh ban thaw sorkar, hynrei kane ka party kala ioh ban bat ia ka bor synshar ha katei ka jaka ba u la ong ba 50% ki MLA jong ka party dei ki khristan.
Ha ka juh ka rukom ka BJP ha kane ka jylla Meghalaya ruh ha kawei ka sngi kan sa ioh ban ialam ia ka sorkar, ka BJP kan dang ia beteng ban trei bad ki paidbah kin sa ia ka jingsynshar ha ka party BJP ha kane ka jylla Meghalaya.
Ia kane ka juh ka jingkylli la kylli wat ha Goa bad kiwei ki jylla ruh, ha kane ka jylla ruh ki kylli , na ka liang jong ka party kan dang iai bteng ban trei bad ki paidbah kin sa ai ka jingkyrshan ia ka party BJP, wat ka jylla Tripura ruh ka juh ka jingkylli hynrei mynta ki ioh ban synshar.
U Myntri khynnah la ong ba um kwah ban ong ei ei ha kaba ia dei bad ka jylla Manipur namar u myntri rangbah duh jong ka Ri India u la dep ban jubab hapoh Parliament ha kane ka dorbar kaba dang shudep.
Na ka liang kong u Preisdent ka BJP u Rikman Momin haba jubab ia ka jingkylli haba ia dei bad ka shongsuk shongsain ha ka jylla la ong ba kum ka sorkar ka don ka jingsngewkhai wat la ki don lang ha ka sorkar, ka sorkar ka dei ban leh ei ei ban the la lam ia ki jingsniew.
