Maramot hi ka KSU Nongsleh Unit bad ka shnong ïaka Surok Proiñ – Nongsleh 

Shillong, Jylliew 27: Ka Khasi Students’ Union (KSU) Nongsleh Unit kaba dei kawei na ki shnat treikam jong ka KSU Mawshynrut Circle ka la mih shakhmat ha ka 21tarik, jylliew 2021 ban maramot hi ia ka surok Proiñ-Nongsleh ha ryngkat ki paidbah nongshong shnong.

Ha katei ka sngi na ka liang ka KSU ïalam khmat da u samla Robert Samakha, President bad u Samla Shemphang Rongrin, General Secretary ha ryngkat ki dkhot jong katei ka shnat treikam ryngkat lem bad ki Nongshong  Shnong ka Nongsleh kila mih ryntih lang ban maramot hi ïa Katei ka surok jot kaba laktah jur ia ka leit ka wan khamtam ïa kiba pang ba shitom namar ka jingsniew palat jong katei ka surok.

Haba kren sha ki lad pathai khubor u Samla Robert Samakha u pynpaw ïa ka jingsngew kyndit bad sngew lyngngoh jur ïaka jingsahteng katei ka surok namar ba katei ka surok ladep ban khot tender lah slem bha hynrei haduh mynta mynne ym pat don ki dak trei bad kane ka jing buhteng u Contractor ka buh jingeh pynban ïaki Nongshong Shnong jong katei ki thaiñ U la ong.

Shuh shuh utei u nongialam ka seng u la kyntu ruh ïa U Contractor ba un sdang noh ïaka jing pyntrei khnang ban suk ka leit ka wan ïaki paidbah bad ha kajuh ka por ka Seng ka kyntu ruh ïaka tnad ba Ka Public work  Department ( PWD) Road ban tuklar mardor ïaka jingpynslem jong ki Contractor kiba pyntrei ïa katei ka surok khnang ba kan iaid shait shait bad ban ïoh pyndep haka por ba biang, hynrei “lada ki bor ba dei peit kim leh eiei halor katei ka jingeh jong ki paidbah ka thaìn kumta naka liang jong ka Seng kan nym shnong kli kti hynrei kan sa shim pat da kiwei ki sienjam” la pynkut ka kyrwoh.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet