Shillong, Jylliew 01: Ha ka pyrthei kaba ka jingpang tuberculosis kaba iatip paidbah kum ka jingpang TB kaba la shim ia ki hajar hajar ngut ka jingim briew bad ka Ri India kadei kawei kaba shah ktah ha kane ka jingpang.
Ban pynikoit ia kane ka jingpang ka don ka jingkyrmen haba ki briew ki wan sha khmat ban ai jingkyrshan ban ia khun pyrshah ia kane ka jingpang bad ka heprit Abha S. Nongrum, kaba dang 7 snem ka rat kala wan shakhmat ban kyrshan ban ia khun pyrshah ia kane ka jingpang.
Kane ka heprit Abha ka dang pule ia ka klass-II ha k Little Flower Skul bad kane ka dei ka khynnah bar it tam na Meghalaya ban wan sha khmat ban kyrshan ban ia khun pyrshah ia kane ka jingpang TB ha kaba kala shim ia ka jingkular ban kyrshan ia ka sorkar Meghalaya ha kane skhim National TB Elimination Programme (NTEP).
Da ka jingsngew khia ka hep rit Abha kala kynshiew na ka pisa kaba ka iohban thied jingbam na ki kmie ki kpa bad na kane ka pisa kaba kala lum kala thied jingbam kiba tei met ban ai sha kiba pang TB namar haba ai ia ki jingbam kiba tei met na ka bynta kiba pang ban iakhun pyrshah ia kane ka jingpang.
Ka jingnoh syniang kaba rit ka long ka jingkyrshan ia ka jingim jong kiwei, la ong ka kmie da ka jingsngekme, ka Abha kam dei tang ba ka kyrshan ban ia khun pyrshah ia kane ka jingpang hynrei ka dei ruh kaba la ioh ia ka Takma ksiar ha ka jingiakhun ia ka Taekwondo champion ha ka rta kaba dang san snem.
Ha kane ka jingiakhun pyrshah ia kane ka jingpang TB ka Abha kam dei marwei, ha ka ri baroh kawei kila don haduh 253,809 kaba la tip ia kim kum ki “Nikshay Mitras” ban ia khun pyrshah ia ka jingpang TB.
Ha Meghalaya baroh kila don 314 ngut kiba la shim ia ka rai ban ia khun pyrshan ia kane ka jingpang TB kiba la kut jingmut ban kyrshan ia ki 2,327 ngut kiba shitom na ka jingpang TB ha Meghalaya, kane ka dei ka jingiatreilang ban ia khun pyrshah iakane ka jingpang bad ka sorkar kala kut jingmut ban pynduh ia kane ka jingpang mynta u snem 2025.
