Shillong, Naitung 25: Namar ka jingbym leit u Bernard N Marak ban aiti ha khmat jong ki pulit jong ka
Sordar Police Station Shillong kuba la bthah na ka liang jong ka tnad pulit mynta ka jan miet kala pynmih ia ka hukum ban kem ia u.
Ha dien ka jingkhynra ki pulit ka West Garo Hills ia ka “Edenbari Resort” kaba don ha Tura, ha kaba la ioh ban kem 73 ngut ki briew na katei ka jaka kiba la shah kynnoh ba kila leh ia ki kam khlem akor, ki pulit kila bthah ia u Bernard ba un leit ban aiti ia lade ha khmat ki pulit jong ka Sardar Police Station Shillong.
Namar ka jingbym wan ban aiti ha khmat ki pulit, na ka liang jong ka tnad pulit mynta ka jan meit kala pynmih ia ka hukum ban kem ia u Bernard N Marak trai jong ka “Edenbari Resort” kaba don ha jan Tura ia kaba ki pulit kila dep khynra ia katei ka jaka.
U Superintendent ki pulit jong ka West Garo Hills iathuh shuh shuh ba ia kane ka hukum ban kem ia u Bernard N Marak la ai da ka iing bishar ba don burom jong ka Chief Judicial Magistrate, Tura bad kane ka hukum ka lontg ba yn nym lah ban bah jamin.
U Superintendent ki Pulit jong ka West Garo Hills District u V S Rathore la pyntip ba mynta ka sngi kila pynmih ia ka hukum ban kem ia u Bernard N Marak, trai jong ka Edenbari Resort namar ba u khlem kohnguh ia ka jingbthah na ka tnad pulit.
