Shillong, Lber 27: Ki pulit jong ka Ri Bhoi District ha dien ba kila ioh ia ka jingtip ba ka don kawei ka kali kaba la suba ba don kiba kit drok, kumta kila pynlong ia ka jingpynap shrip ban thwet ia ka kali bala suda ban iaid na Ri Bhoi District.
Ha kane ka jingpynap shrip ki pulit kila bat ia ka Taxi kaba don ia u number ML05-M-7648 bad na kane ka kali la ioh ban kurup ia u drok ba shongdor haduh T.70 lak tyngka, na kine ki briew la ioh ka pisa T.4000 tyngka, lai tylli ki phone lai tylli ki ID kard ba shuthok.
Na kane ka Taxi ki pulit kila ioh ban kem lai ngut ki briew kiba la suba ba kidei ki nongkhaii. Na ka liang jong ki pulit ki kyntu ia ki paidbah ba kin ia treilang bad ka sorkar ban ia khun pyrshah ia ki nongkhaii drok kiba thmu ban pynjot ia ki samla da kine ki jingdih ba sniew.
Ha kawei pat ka jingjia da ka jingiatreilang ki pulit ka jylla Meghalaya bad ki pulit jong ka jylla Tripura bad la ioh kem ar ngut ki briew kiba dei na ka jylla Tripura bad na ki la ioh ban kurup haduh 66 kilo u kynja bd ar tylli ki phone.
