Shillong, Nailur 15: U Director ka tnad ka koit ka khiah u Dr Aman War u la iathuh ba mynta ka sngi u wei u briew u ba la test COVID-19 positive ba la tip kyrteng kum u Gopal Chandra Bag Das 67 snem ka rta na Jhalupara u la khlad mynta ka sngi ha Civil Hospital Shillong.
La iathuh ba ia u Gopal Chandra Bag Das la leit rah sha Civil Hospital Shillong ban shah sumar ha kaba la test COVID-19 Positive bad une u briew u ba khlad mynta ka sngi u la don ruh kiwei ki jingpang kum ka jingpang shini bad mynta ka sngi ha ka por 3.25 u la khlad noh.
Ka jingkhlad jong ki briew na kane ka khlam COVID-19 ha ka jylla naduh ba sdang kane ka jingpangkhlam kala kot sha ka 29 ngut bad kiba bun na kine kiba khlad ki dei na East Khasi Hills District.
