Shillong, Naitung 12: Mynta ka step ki pulit jong ka West West Jaintia Hills ha dien ba ki la ioh ia ka jingtip ba ka don kawei ka trok kaba kit kynja ban leit sha Guwahati ban iaid lyngba ka jylla Meghalaya.
Na ka liang ki pulit ka jylla Meghalaya kila pynlong ia ka jingap ktem ha Mookyndur bad haba la talasi ia ki trok kiba iaid la ioh ban bat ia kawei ka trok kaba don ia u RJ-10GB-1424 bad na kane ka trok la ioh ban kurup 1168.18 kilo u kynja bad ka dor ka long T.3.5 klur tyngka.
Katkum ka jingiathuh ki pulit la ong ba kane ka kali kaba wan ban leit sha Guwahati bad ka dei jong ka S.S. Kaswan Road Lines, haba ia dei bad kane na ka liang jong ki pulit kila register ia ka ejahar bad ka jingthoh kit ka dang iaid ban lap trai ia kane ka jingkhaii beain.
Lah ban pynkynmaw ba u Director General ki pulit ka jylla Meghalaya u Dr.L R Bishnoi la ong ba ki pulit kila kut jingmut ban rat diengkhong ia ki kam khaii drok na kane ka jylla Meghalaya bad ki pulit kila kut jignmut ban ia khun pyrshah ia kane ka jingeh kaba ka jylla ka ia kynduh.
