Shillong, Jymmang 23: U Myntri Rangbah ka jylla u Conrad K Sangma u la thang ia u Mombati kum ka dak ban plie biang ia ka Bethany Hospital Shillong mynta ka sngi ha ka jingialang ba lyngkot kaba la pynlong hapoh katei ka Hospital.
U myntri Rangbah ka jylla u ai khublei kyrpang ia ka iing ka sem kiba ia treilang ha kum kane ka por ba ki ia kynduh ia shibun ki jingeh bad kala don ruh ka jingduh, hynrei wat ha pdeng kine ki jingeh bad mynta ki la lah ban mih na kane ka jingeh bad bun ki jingeh ka long bay m dei ban tieng.
U mytnri rangbah u la ong ba bun ki briew ki don ia ka jingsngew ka jong ki, na ka liang jong umyntri rangbah u la kyntu ia ki paidbah kiba pang ba shitom ba kim dei ban don ia ka jingtieng hpa ban iaid sha khmat bad ka Bethany Hospital kala sdang plie biang mynta ka sngi. u Myntri Rangbah u ai khublei ia baroh, ki Doctor, ki Nurse ki nongtrei bad u ai khublei kitbok kit rywiang ia ki.
Ha kane ka sngi u myntri rangbah u la ong ba u don ka jingiajan bad kane ka Hospital namar ba baroh ar ngut ki khun jong u la kha ha kane ka hospital. U Myntri rangbah u la ba kala don ka jingeh kaba khraw ha kine ki ar bnai kiba la leit noh bad ka jingeh kaba khraw ia ka kurim jong u Dr John Sailo Ryntathiang.
U Myntri Rangba u la ong ba ka jingiadon lang jong u ha kane ka por ka long ban pynpaw ia ka jingiadon ryngkat ka jong u bad ka iing ka sem bad ki nongtrei baroh kane ka Hospital bad ia kaei kaba la jia la pynsngew da u Sampat Kumar Commissioner Secretary ka tnad ka koit ka khiah kum kane ka jingjia ka lah ban jia hano hano ruh hynrei kaba kong san haba ka jia kumne ka long ban sngewthuh.
Ha kane ka jingplie biang ia Bethany Hospital mynta ka sngi la don lang u Commissioner Secretary ka tnad ka koit ka khiah jong ka sorkar jylla u Sampat Kumar, ka kurom jong u Dr John Sailo Ryntathiang bam kwai ha dwar u blei ki Doktor bad ki Nurse, kum ka dak ba la plie piang ia kane ka Hospital u myntri rangbah ka jylla u la thang ia ka sahrak ban ia sakhi lang.
