Mynta ka sngi la test COVID-19 positive 597, kiba la khlad ki long 10 ngut

Shillong, Naitung 25: Ka tnad ka koit ka khiah mynta ka sngi kala pyntip kiba la test COVID-19 Positive ki long 597 ngut, kiba la test buneh dei ha East Khasi Hills 242 ngut, West Garo Hills 105, kiba dang shitom baroh ki long 5007 ngut.

Kiba la ioh pat ia ka jingkoit na kane ka jingpang ki long 288 ngut, kiba la koit bun eh ka dei na West Garo Hills 107 ngut, kiba la ioh ia ka jingkoit baroh na kane ka jingpang haduh mynta kila kot sha ka 55163 ngut ha baroh kawei ka jylla.

Kiba khlad na kane ka jingpang mynta ka sngi ki long 10 ngut, kiba khlad ha East Khasi Hills 5, South Garo Hills 1, West Garo Hills 3, West Jaintia Hills 1, kiba khlad baroh kala kiew sha ka 1024 ngut ha baroh akwei ka jylla haduh mynta.