Shillong, Jymmang 09: U Myntri Rangbah ka jylla u Conrad K Sangma mynta ka sngi lyngba ka twitter jong u la pyntip ba la test positive sa ka wei ha Shillong, kane ka dei u trei bad ka iing ka sem jong u ba ioh pang COVID-19 nyngkong.
Na ka liang jong ka tnad ka koit ka khiah kat kum ki kyndon kala kala test biang ia baroh kito kiba don ka jingiajan bad kiba ioh pang nyngkong bad ha kane ka jingtest la lap ba kane ka wei na kiba trei la test positive mynta ka sngi.
Kane ka ba la test positive mynta ka sngi ka shait ka khlain bad ka khlem pyni kano kano ka dak ka shin ba kan don ia ka jingpang. Ia kane ka jingpyntip u mytnri rangbah ka jylla u dang shu pyntip ha ka twitter jong u ha ka por 12.41 baje shiteng sngi mynta.
Haba ia dei bad kaba ioh pang COVID-19 ia kaba la test positive mynta ka sngi u symbut myntri rangbah u la bynrap ba ka dei kaba trei ha iing jong u ba ion pang COVID-19 nyngkong. La iathuh ba baroh kiba don ka jingiajan bad u ba ioh COVID-19 nyngkong ki don 181 bad dei tang kane kawei kaba la test Positive mynta ka sngi.
U Symbut myntri rangbah u la pynshai shuh shuh ba naduh ka 14 tarik u Iaiong 2020 kane ka nongtrei kala leh ia ka Home Guarantine bad ha ka 16/04/2020 la test ba ka long Negative, ha dien ka ta la tes biang bad kane kaba paw Positive mynta dei ka test kaba lai.La iathuh ba ia kane kaba shitom la rah sha Corona Care Centre hapoh Civil Hospital Shillong.
La iathuh ba haduh mynta ka sngi la test haduh 2287 ngut kiba long negative ki long 2178 ngut bad dang ap ia ka resolt 96 tylli. La iathuh ba ia mynta kiba don ha pdeng ka jingpang COVID-19 ki don ar ngut, 10 ngut kila koit, wei la khlad. Ka nongpang kaba don ha Civil kaba la dep ban phah test saw sien yn shim sample biang ha ka sngi nyngkong ha ka sien kaba san.
