Shillong, Rymphang 22: Ki pulit jong ka South West Garo Hills District kila ioh ban kem lai ngut ki khar Bangladesh na Silkona, kiba la ioh kem ki long u Md. Hassan Ali 40 snem, u Md. Nassir Uddin Mia 43 snem bad u Md. Milton Mollick 50 snem.
Ki pulit ha ka jingtalasi jong ki ia kine ki briew na ka met jong ki kila ioh ban kurup lai tylli ki Aadhaar Kard, ar tylli kiba la suba ki dei ki Pan kard ba shuthok bad lai tylli ki mobile bad ka pisa India T.1,610/- tyngka.
Kaba la pynlyngoh ia ki pulit ka long ba kumno kine ki khar Bangladesh ki don ia ki Aadhaar kard bad ia ki pan kard ki suba ba ki dei kiba shuthok, kane kala buh ha ka umdum bad ka jingtohkit ha kaba ia dei bad kane ka kam ki pulit ki dang tohkit.
