Shillong, Nailar 03: Ki shipai BSF kiba don ha Umkiang mar ia ioh ia ka jingkyrpad na u Dr. Evergreen Khgongjoh ba don ha Umkiang PHC ba don kawei ka long kmie kaba don kam ban kit sha Jowai Civil namar ka jingshitom ban ioh khunlung.
Na ka liang jong ki BSF khlem da pynslem mar ia ioh ia kane ka jingkyrpad wut wut kila pynkhreh bad poi sha PHC ban kit ia kaba shitom ban pynpoi sha Civil Hospital Jowai ba kan ioh ia ka jingsumar.
Ka long kmie kaba shitom ka dei na ka shnong Umkiang bad ka kyrteng jong ka dei kong Priya Pyrtuh kaba la 24 snem bad ka jingshitom kaba la hap ban pynkit sha ki jaka surmar kiba kham bha.
Ki shipai BSF kiba don ha khappud bad ka Bangladesh ki long kiba la kloi ban iarap ia ki paidbah ha ka khia ka shon bad ha ka pang shitom namar ka jingdon ka jong ki ka long ban iada ia ki paidbah nongshong shnong bad ban iarap ha ka por ba ki don kam ia ka jingiarap jong ki.
