Shillong, Kyllalyngkot 28: U Chief Electoral Officer ka jylla Meghalaya u bah Fredric R Kharkongor mynta ka sngi la pyntip ba haduh mynta ka sngi ka pisa baroh kaba la ioh kurup naduh ba pynbna ia ka elekshon kala kot sha ka T.51,55,900/- tyngka.
La iathuh ba tang mynta ka sngi ka pisa kaba la ioh kem na ki lai jaka ka long T.16,53,900/- tyngka, na West Garo Hills la ioh ban kurup T.14,90,900/- tyngka, na South West Garo Hills District T.65000/- tyngka, na South Garo Hills T.98000/- tyngka.
Ka pisa kaba la dep ban ioh kurup ha kine ki sngi ha baroh kawei ka jylla ka long T.35,02,000/- tyngka, haba khein lang baroh kiba la ioh ban kurup haduh mynta kala kot shaka T.51,55,900/- tyngka. Kane ka long katkum ka jingpyntip na ka ophs jong u CEO.
