Shillong, Nailar 13: Mynta ka sngi u myntri kynnoh ka sorkar u Bishaweswar Tudu u la ong ba ha ka jingwan jong u sha Meghalaya ka long ban jurip ia ki skhim jong ka sorkar pdeng kiba la pyntrei ha kane ka jylla Meghalaya, la ong ba na ki jingthoh kila paw ba kila pyntrei ia ki skhim hynrei ha madan pat long kaba thikna.
Haba kren ha ki lat pathai khubor, la ong ba ka jingtreikam jong ka sorkar MDA ia ki skhim ka ong hapdeng 40%, haba ia kren bad ki skhim jong ka tnad kaba u bat hi na ka tnad ba dei peit ia ki riewlum bad ka tnad sam um u dang pan ia ki jngthoh bad ha dien ba u la ioh ia ki jingthoh un sa peit ia kaba don kam kumno ban leh.
Haba jubab ia ka jingkylli ha kaba ia dei bad ka ILP la ong ba ki myntri ka sorkar pdeng ki wan sha kane ka thain shatei lam mih ngi bad ki juh rah ia ka kaiphot sha ka sorkar pdeng bad ia kane ka bynta ha kaba ia dei bad ka ILP na ka liang jong u ruh un rah ia ka kaiphot sha ka sorkar pdeng.
Haba ia dei bad ki skul EMRS kiba la mang na ka bynta kane ka jylla Meghalaya la ong ba un dang hap ban wat jingtip bad la don kano kano ka jingeh un sa ia kren bad ka sorkar jylla ban peit ba kine ki skul ha kane ka jylla kin iaid beit la ong ba ki ar tylli kiba la sdang haduh mynta ym pat lah ban pyndep.
Ha ka jingialang kila kdew ruh ba ka don ka jingeh ha kaba ia dei bad ka jaka namar ban buh ia kum kine ki skul don kam ia ka jaka kaba shiphew akar bad kane ka dei kawei na ki jingeh kiba ia kynduh ha kane ka jylla, na ka liang jong un peit ba ki kshim kin iaid sha khmat.
Ha kane ka sngi u la ia kynduh ia ki nongtrei ka party bad u la khaweh ruh ia la lama jong ka Ri India kum ka jingsdang ban wah ia ki Lama lai rong ha ki tnum iing jong ki ban rakhe ia ka jingdap 75 snem jong ka jinglait luid ka ri India, ha kane ka sngi la don lang ruh u Bah AL Hek bad u President jong ka jylla u bah Ernest Mawrie.
