Shillong, Jymmang 16: Ka kong Ampareen Lyngdoh ka ba dei ka myntri ka sorkar jylla ka la ong ba, watla ka party NPP ka la mat ia ka jingshah rem ha ka election sohiong ba dang shu dep. Hynrei ka long kaei kaei kaba sngewtynneh ia ka party namar u ba jop ha katei ka election u dei na ka party ba ka NPP ka iatrei lang ban Thaw ia ka sorkar MDA 2.0.
Haba ia kren bad ki nongthoh khubor ka kong Ampareen n ka la ong ba kam pher lada jop mano mano ruh ka election ka sah hi ka election. Ka la ong ruh ba ka jingiakhun ha Sohiong constituency hi ka long tang hapdeng ka UDP bad ka NPP para ba iadon ha ka sorkar.
Ka jingjop jong u kyrtong ka UDP lehse ka long ka jingkynmaw ieit ia u bah HDR Lyngdoh uba long u MLA barim. ka Sohiong kane lehse ka dei kawei ka daw ka jingrem noh ka NPP.
Ka khana election ka la kut mynta ka la dei ka por ba na ka NPP ngin hap ban pyndem noh bad ban pynkut noh ia kata ka jingiakynad election, mynta ka kamram jongngi kiba don ha ka sorkar, ka long ban ai ka jingshakri kaba bha tam ia u paitbah ha kine ki san snem ki ban wan” la ong ka kong Ampareen Lyngdoh
Shuh shuh ka la ong ba na ka liang ka npp ka sngewkmen shibun eh ba u ba jop u dei u ba na ka party UDP ba la don lang ba ka sorkar bad kane kan dang pynkhlain shuh ia kane ka sorkar MDA 2.0 Ka party kan nym peit than ia kata ka jingjop, na ka liang ka party npp ka ai ka jingkitbik kitwriang ua une u kyrtong thymmai ba jop na ka party UDP ha Sohiong Constituency.
