Shillong, Risaw 10: Ia ka elekshon shiteng samoi ban jied ia u MP sha Lok Sabha na ka 1-Shillong Parliamentary (ST) Constituency kan long ha dien bala pynmih ia ka kyrteng jong ki nongthep vote ba pura ka jylla ha dien ka Special Intensive Revision ha ka 26/Risaw/2026.
Kum ka jingpynkhreh ia ka elekshon shiteng samoi ka party Voice of the People Party mynta ka sngi 10/Risaw/2026 kala khot ia ka jingialang paidbah ha Madan polo ban pynithuh ia u kyrtong ka party u Dr. Batskhem Marboh ban ia khun ia kane ka elekshon shiteng samoi na ka 1-Shillong Parliament (ST) Konstitwensi.
Haba kren ha kane ka sngi ha ka jingialang ha polo, u President ka seng u bah Ardent M Basaiawmoit u la ong ba kum ka party kin ia treishitom ban pynjop ia u kyrtong ka seng, u la ong ba u Dr. Ricky Syngkong ban kwai ha dwar u blei u la ioh ia ka jingjop da kaba ioh vote 5,71,000 vote bad mynta dei ban ioh 8,70,157 vote.
Ha kane ka sngi ki nongialam ka seng kila kren shaphang ka nongrim jong ka party bad ki paidbah kiba la ia poi sha kane ka jingialang ki long na kyllenng ka ri khasi bad Jaintia kiba dei ki nongkyrshan ka party kiba la palat phew hajar kiba la ia poi ha kane ka jingialang paidbah.
Ha kane ka jingialang ki paidbah kila noh syniang sha ka party bad ka jingmih ka pisa kum ba la pynbna da u MDC u bah Shemborlang Rynjah ba ka pisa kaba kila ioh ban lum na kane ka jingialang na ki nongkyrshan ka party kala kot sha ka T.3,790,52 tyngka, kane ka pisa ka dei ka syniang na ka bynta u Dr. Batskhem kyrtong MP.
