Shillong, Rymphang 08: Mynta ka sngi ha kapor ba dang saw tyngap ka suin bneng kila ot ia ka ATM kaba don ha Mylliembah da ka gas bad sei ia ka pisa kaba don T.35.34 lak tyngka.
U Superintendent ki pulit jong ka East Khasi Hills District la iathuh ba ka dei ka jingshisha ba ka ATM ki nongtuh kila pynjot ia ka ATM bad rah ia ka pisa kaba don ha katei ka jaka bad ki pulit ki dang thewt ia ki nongleh kam sniew.
Kiwei ki lat khubor ki iathuh ba ki nonglute shuwa ba kin thang da ka gas ia ka mashim ATM kila tah da ka kynja rung ba iong ia ka CCTV kamera bad ki sa ot haduh ba kin da ioh rah ia ka pisa.
Ia kane ka jingjia la register ia ka ejahar hapoh jong ka Mawngap Police Station namar ka hap ha ka jingpeit katei ka jaka bad ki pulit ki dang pynlong ia ka jingthwet ia ki riew sniew, lah ban pynkynmaw ba kum kane kala jia ha shnong Mawkriah ruh ha snem ba la dep.
