Shillong, Jymmang 22: U myntri rangbah ka jylla u Conrad K Sangma mynta ka sngi u la leit ban jurip ia ki jaka ai jingsumar ha North Garo Hills District ha ka ba la don lang u symbut lamphang ka iing dorbar u Timothy D. Shira.
U myntri rangbah u la leit ban jngoh ia ka Resubelpara Community Health Centre (CHC), ha ka ba u la ong ban buh ia ki kor pynmih oxygen ba 150 litter shiminit ka ba lah ban kyrshan 15 tylli ki jingthiah.
U myntri rangbah u la ong ba ka jingdon kiba shitom COVID-19 hapoh ka District ka dang duna hynrei hap long bala pynkhreh lada don kano kano ka jingjia bad u myntri rangbah u la bthah ban pynkhreh ban ia khun pyrshah ia ka khlam COVID-19.
U myntri rangbah u la bthah ban pynbun sha 40 tylli ki jingthiah hapoh Resubelpara ban ai jingsumar lada dangkiew kane ka jingpang COVID-19 bad la bthah ban peit ia ka ja ka ban buh sa 150 tylli ki jingthiah.
U myntri rangbah u la bthah ban phah sa 150 tylli ki tyndong Oxygen sha North Garo Hills, ha Resubelpara CHC ki don 84 B tyndong , 15 D ki tyndong type bad 15 oxygen concentrators ia mynta.
Ha kane ka jingialang bad ki ophisar ka tnad ka koit ka khiah, la kyrpad ia u myntri ban thing briew shuh, kynthup ia ki nurse, ki nongtrei ha ki laboratory bad ki Ambulance ha Manikanj PHC bad Damas PHC.
