Shillong, Naitung 05: Mynta ka sngi u myntri rangbah ka jylla u Cornad K Sangma ha ka jingleit jong u sha Delhi u la ia kynduh ia u myntri ka sorkar pdeng ba dei peit ia ka tnad bylla u Santosh Gangwar bad ha kane ka jingiakynduh la pan ia ka lad jingsumar lyngba ka ESI.
Ha kane ka jingleit sha Delhi mynta ka sngi ia kaba la synran lang ruh da u symbut myntri rangbah ka jylla u bah Prestone tynson ba dei peit ia ka tnad kam ri jingri ha ka jylla kila ia kynduh ia u myntri ka sorkar pdeng u Giriraj Singh ba dei peit ia ka tnad ri mrad jong ka sorkar pdeng.
Ha kane ka jingiakynduh la ai ia ka dorkhas ban kyntu ia ka sorkar pdeng ban buh ia ka karkhana tyllait jingbam ia ki mrad ha Meghalaya ka ban long na ka bynta ki jylla jong ka thain shatei lam mih ngi jong ka Ri India.
Ha kane ka jingiakynduh na ka liang jong u myntri rangbah ka jylla Meghalaya la pan ia ka jingkyrshan jong ka sorka pdeng ban pynneh pynsah ia ki jaitdohkha kiba bun jait dohkha kiba don ha ka jylla namar ka kam ri dohkha ruh ka hap hapoh jong ka jingpeit u Giriraj Singh.
Kine ki long katkum ka jingpyntip jong u myntri rangbah ka jylla u Conrad K Sangma lyngba ka twitter ha ka sngi kaba u don sha Delhi mynta ka sngi ha ka jingiadon lang u symbut myntri rangbah ka jylla u Cornad K Sangma.
