Shillong, Kyllalyngkot 20: Mynta ka sngi u bah Sanbor Shullai myntri kabinet ka sorkar Meghalaya naka party BJP, ha ka jingdon lang ki nongialam ka party kila ia kynduh ia u myntri ba peit ia ka tnad jngohkai pyrthei u Ganjendra Singh Shekhawat ha iing sah ha Delhi.
Ha kane ka jingiakynduh u bah Sanbor u la kyrpad ia u myntri ka sorkar pdeng ban ai skhim sha ka jylla Meghalaya na ka bynta ban pynneh pynsah ia ki riti dustur ban ia da ia ka jinglong tynra ka Seng Khasi, ka Seng Raid bad Songsarek kaba dei jong ka jaidbynriew Garo.
Ha kane ka jingiakynduh u bah Sanbor u la ban jur ba dei ban don ia ka iew tynrai ha Mawlai ktem ki CRPF ban buh ia ka iew ban dei ia ki tiar kiba ia dei bad ka riti dustur na ka bynta ka dong shatei lam mih ngi ka Ri India.
Ha kane ka jingiakynduh u la kyntu ruh ban mang skhim na ka bynta ki kam jngohkai pyrthei na ka bynta ka South Shillong Konstitwensi bad kane kan long ka jingai kam ai jam ia ki samla ka konstitwensi.
