Shillong, Naitung 24: U Chief Executive Member ba rim jong ka KHADC u Bah Pynshngianlang Syiem u la pep ban wan sha iing dorbar mynta ka sngi ban jied ia u Chairman ba thymmai jong ka iing dorbar.
Ha ka por ba ka kong Telinia Thangkhiew Protem Chairman ka dang pynbna ba la pynlong ia kane ka elekshon ban jied ia u Chairman mynta ka sngi katkum ka jingbethah jong u Lat ka jylla, ka kong Grace Kharpuri ka la ieng ban ong ba kane ka dorbar ka long pyrshah ia ka iing bishar namar ka mutkotduma ka dang don ha iing bihsar ha kaba ka pretem Chairman ruh kala dep ban thep ia ka affidavit jong ka.
Haba ia dei bad kane ka jingkren ka kong Kharpuri na ka liang jong ka Protem Chairman kala jubab ba ka shong ha ka shuki ban pyniaid ia kane ka elekshon ban jied ia u Chairman ka long katkum ka jingbethah jong u Lat jong ka jylla bad kala ai ia ka rai ba ka elekshon ban jied ia u Chairman kan iaid beit.
Na ka liang jong ka Kong Kharpuri kum ka dak jong ka jingpyrshah kala mih jyndat noh na ka iing dorbar ha kaba kam shym la ia shim bynta shuh ha ka elekshon ban jied ia u Chaiman ba thymmai jong ka iing dorbar.
