Shillong, Nailar 16: Ha ka kyrteng jong ka party Hills State People Democratic Party (HSPDP) u president u bah K P Pangniang u pawpaw ia ka jngsngewsih kaba khraw ban tip ba u myntri rangbah barim ka jylla u Salseng C Marak u la khladnoh ha dien ka jingpang kaba la bat shipor,kane ka long ka jingduh kaba khraw ym tang ia ka iing ka sem hynrei ia ka jylla baroh kawei.
U Salseng C Marak u long shisha u nongialam bala len lade ban ai ka jingshakri ia ki paidbah ki 30 snem lynter kum u nongmih khmat jong ka esulbelpara Konstitwnesi ha kaba u la jop ia ka MLA hynriew snein lynter.
U Salseng C Marak long u myntri rangbah ha u snem 1993 haduh 1998 bad shuwa kata u la bat kum u myntri ha ka jinglong nongmihkhmat ka jong u bad u la noh syniang shibun ha ka jinglong nongmihkhat sha ka jylla.
U bah K.P Pangniang President jong ka HSPDP u phah ia kane ka khubor sngewlem sha ka iing ka sem jong u myntri rangbah barim ka jylla ba u blei yn pyntngen ha kane ka por jong ka jingsngewsih bad u buh ha ka jingduwai ba un ioh ia ka jingsuk bneng ia ka mynsiem kaba la khlad noh.
U President ka BJP Meghalaya State Unit u Rikkam G Momin u la pynpaw ia ka jingsngewsih kaba khraw ban tip ba u myntri rangbah barim ka jylla u SC Marak u la khlad noh mynta ka sngi ha dien ba ka jingpang kala bat katto katne por.
Kane ka jingkhlad noh jong u myntri rangbah barim ka jylla ka long ka jingduh kaba khraw ym tang ia ka iing ka sem hynrei ia ka jylla ha kaba ki nongialam kiba la rangbah kila dang duna duna, kum ka jylla kan iai kynmaw ia ki kam kiba u la leh ban kyntiew ia ka roi ka par jong ka jylla.
U President jong ka BJP u la phah ia kane ka khubor sngewlem sha kiba ha iing ha sem halor kane ka jingkhlad noh jong u myntri rangbah barim ka jylla, duwai na ka bynta ka iing ka sem ha kane ka por jong ka jingsngewsih bad ai u blei un ai ka jingjah thiat ba khlem kud ha bneng.
