Shillong, Kyllalyngkot 13: Ka Dorbar ba shisien shi snem jong ka Kur Lyngdoh Nongkdait la pynlong mynta ka sngi ha ka shnong Warmawsaw ,Umsohbar kaba don ha Ri Bhoi District,ha kane ka sngi kum ka kur ka la don ka jingkren na ki riew rangbah ban sneng ban kraw iala ka kur ka jait .
Kiba la kren ha kane ka jingialang kur ki long u bah Bantistar Lyngdoh, Silvester Lyngdoh,Atlas Lyngdoh ,Rosly Lyngdoh bad ka kong Pisidia Lyngdoh,ha kane ka sngi la jan baroh na ka kur kiba don ha kylleng ka ri lum Khasi Jaintia kila ia poi sha kane ka dorbar kur kaba shi sien shi snem .
U bah Bisrol Lyngdoh u president ka kur haba kren ha kane ka jingialang u la ong ba ym lah ban biang lut kumta wat niew sting namar phim lah lait na ka kur bad phin donkam hi ia ka kur, la ong ba ia ka kur la ithuh da ka ain ha District Council kumta to ia shim khia lem bad ha kane ka sngi la pule ruh ia ka registar ka kur da u secretary ka kur u bah Blandar Lyngdoh
Ban ai mynsiem bad ban pynshlur ia ki khun samla ha kane ka dorbar kur la pynkup burom ia ki saw ngut ki khun samla ba la wanrah nam rah burom ia ka kur ha ka exam secondary school leaving certificate u snem 2025.
Kiba la shah pynkut burom ki long ka samla Mebalaaihun Lyngdoh kaba la ioh 88.83 % ,ka samla Badahun Lyngdoh ka la ioh 63%,u samla Frankie Lyngdoh u la ioh 68.16% bad u Bawallamlad Lyngdoh u la ioh 66.16%.
