Shillong, Jylliew 23: ka long ka sien kaba nyngkong ha ka khana pateng jong ka jylla Meghalaya ba ia ka ophis jong ka Khatarshnong Laitkroh C&RD Block kaba don ha Laitkorh la plie da u bah Pailastar Kharkongor, Sirdar ka Elaka Laitkroh ha ka jingiadon lang u myntri rangbah ka jylla u Conrad K Sangma bad MLA u bah Gavin Miguel Mylliem.
Kane ka ophis jong ka Block kaba dang dep ban shna thymmai ia kaba la plie mynta ka sngi da u Sirdar jong ka elaka Laitkroh ka long ba kane ka ophis kane ai ka jingshakri ia ki paidbah ka tei ka thain ha kiba bun ki kam kiba ia dei bad ki paidbah.
Na ka liang jong ka sorkar ka don ka jingthmu ban pyndep ia ki kam ki jam ki jingtei ha ka por kaba la buh, kane ka long ba ki paidbah kin ioh ia ki jingiarpa kaba ki don kam ha ka por kaba biang. La kyntu ban ia treilang ban poi sha ka thong.
Ka jingtrei ban aiti lade na ka bynta ka kam da kaba ia treilang na ka bynta ban poi sha ka thong ha kaba pyntrei kam ia ki kam pynroi na ka bynta ka jingkiew irat ha ka jylla, ha kane ka sngi la donlang ki ophisar bad ki paidbah ban ia sakhilang ia kane ka sngi sah kynmaw.
Ha dien bala plie ia ka ophis u myntri rangbah ka jylla u la ia kynduh ia ki paidbah ban sngap ban sngew ia ka jingud jingnam ki paidbah ha kaba ia ei bad ki kam pynroi kiba ka sorkar ka pyntrei ha katei ka thian kiba hap hapoh ka Khararshnong Laitkroh C&RD Block.
