Shillong, Nohprah 18: U Bah Mayralborn Syiem MLA jong ka Nongpoh mynta ka sngi ka 18 tarik Nohprah 2025 u la plie paidbah ia ka jaka ai jinghikai jingrwai kaba la tip kum ka Board of Music Institute ha ka shnong Nongtluh Mathan ha Ri Bhoi District, kane ka jaka ka long ban ai jinghikai ia ki samla katei ka thain kaba la pyniaid da ka balang Presbyterian.
Ha kane ka jaka hikai rwai bad tem kin pdiang ia baroh kiba kwah ban wan shah hikai khlem da don kano kano ka jingbuh kyndon, kane ka jingsien jam kaba la shim ban buh ia kane ka jaka ai jinghikai ha ka rwai ka siaw ka tem ka pud ka long ba ki samla kin lait ka ki jingsniew kiba ap thap ia ki.
La tei ia katei ka ing ban pynlong kum ka jaka hikai rwai jaka hikai tem na ka skhim Special Rural Work Programme ha ka jinglut kaba lai lak tyngka, ha kane ka sngi la pynlait ruh ia ka jingrwai kabala thoh da u bah WD Marsing bad ia ka jingrwai la rwai da ki khynnah skul kane ka jaka hikai rwai.
Haba kren ha kane ka sngi u bah Mayralborn Syiem MLA ka Nongpoh la ong haba noh syniang ai katba lah bai oh shibun ai shibun ba ioh khyndait ai khyndiat, kaba kongsan ka long ban don ia ka mynsiem ban ia treilang.
