New Delhi, Nohprah 30: U Myntri Rangbah duh, u Narendra Modi mynta ka sngi u la pliepaidbahia ka kad liengsuinAyodhya ba dang shna thymmai. Ia kane ka kad liengsuin la tip kum ka Maharishi Valmiki International Airport.
Hadien kane, ha ka jingai jingkren sha ki paidbah, u Myntri Rangbah duh u la pynpaw ka jingkmen ban jer kyrteng ia ka kad liengsuinAyodhyakum ka jingai burom ia u Maharishi Valmiki.
U la ong ba ka Ramayana jong u Maharishi Valmikikadei ka lynti sha ka jingnang jingtip kaba pyniasoh ia ngi bad u Shri Ram. Ka kad liengsuin Maharishi Valmiki International Airport ha ka India ba thymmaikan pyniasoh ia ngi bad ka AyodhyaDham bad ka Ram temple kaba thymmai bad kaba kyrtang.
Ha ka bynta ba nyngkong ka kad liengsuin ka lah ban ai jingshakri ia 10 lak ki nongleitnongwan ha ka shi snem bad hadien ka bynta ba ar, ka kad liengsuinMaharishi Valmiki International Airport ka lah ban ai jingshakri haduh 60 lak ki nongleitnongwan ha ka shi snem.
La shna ia ka Bynta 1 jong ka kad liengsuin kaba katkum ka juk mynta ha ka jinglut kaba palat T. 1450 klur. Ka terminal building jong ka kad liengsuin kan don ia ka jaka kaba 6500 sqm, kaba lah ban ai jingshakri kumba 10 lak ki nongleitnongwan ha ka shi snem.
Ka bynta ba shakhmat jong ka Terminal ka terminal kalong kum ka rukom shna ia ka Shri Ram Mandir kaba dang shna mynta. La pynitynnadia ki bynta ba shapoh jong ka terminal da ki jingdro, ki jingsaindur kiba wan na kane ka jakakiba pyni ia ka jingim jong u BhagwanShri Ram.
Ka terminal jong ka kad liengsuinAyodhya ka don ki bynta kiba iadei bad ka jingiaineh kum ka insulated roofing system, ki light LED, ki lad pynlang umslap, ka jingpynitynnad ia ka jaka da ki fountain, ka jaka pynkhuid um, ka jakapynkhuid ia ki jabohjabain.
Ka jaka pynmih bording solar bad la buh kiwei kiwei ki bynta ban kot sha ka kyrdan GRIHA- 5 star rating. Kane ka kad liengsuinkan kyntiew ia ka leit ka wan ha ka thain, kan kyntiew ruh ia ki kam jngohkai, ki kam khaii pateng bad ki lad ioh kam ioh jam.
