Shillong, Nohprah 09: Mynta ka sngi u mynti ka sorkar pdeng ba ei peit ia ka kam thian jain bad kam karkhana u Piyush Goyal ryngkat u mytnri rangbah ka jylla u Conrad K Sangma la plie lang ia ka dukan ha ka jingpyninam kaban long lai sngi lynter hapoh ka nongbah Delhi.
Ia ka dukan jong ka jylla Meghalaya la ai kyrteng da ka The Meghalayan Age Store ka don ha jan jong ka dukan Rajiv Gandhi Handicrafts Bhavan ha Baba Kharak Singh Road, Connaught Place ha, New Delhi, ka long kaba paw nam ha ki tiat thain bad kum juh ia ki marrep kiba mih na kane ka jylla.
Ia kane ka dukan la plie mynta ka sngi bad kane ka dukan kan long ka lat ia ki nongrep kane ka jylla, ia ki nongthain bad shna kti ba pyni ia ki jingshna sha ka pyrthei lyngba kane ka dukan ia kaba yn dei ha kane ka dukan ia kaei kaba ka jylla Meghalaya ka pynmih.
U Myntri rangbah ka jylla u la ong ba ka jylla Meghalay ka don ia ki nongshna kti kia tboit bha ha kane ka Ri India bad kane ka dukan kan long ka jaka ba ki nongrep ki lah ban pyni sha ka pyrthei ia ki marrep kiba mih na kane ka jylla Meghalaya. Ia kane ka juh ka jingsngew la pynpaw ruh da ka Chief Secretary ka jylla ka R V Suchiang IAS,
U Dr. D. Vijay Kumar, I.A.S., u shongknor bad ba dei ruh u Managing Director of the Meghalayan Age Ltd. La ong ba da ka jingioh ia ka jingthew katkum ka jinglong ka mariang lyngba ka krem pubon ha Mawmluh ha Sohra ka long kawei na ka jingbynrap ha ka ‘Meghalayan Age’ ha kane ka sla pyrthei.
Kane ka jingbuh ha kane ka dun ia ki jingmih na ki lai tylli ki jaidbynriew kiba bun paid ha kane ka jylla Meghalaya , ki Khasi Jaintia bad Garo, kane ka jingdon kane ka dukan ka long ban iarap ia ki briew ka jylla Meghalaya ba kin dang iaid lyngba ka Meghalaya Age Ltd bad ia kum kane ka dukan yn dang pyniar sha kiwei ki nongbah jong ka Ri India ruh.
