Shillong, Jylliew 21: Mynta ka sngi u myntri rangbah ka jylla u Conrad K Sangma, u symbut myntri rangbah u bah Prestone Tynsong ba dei peit ia ka tnad kam poh iing ha ka jingdon lang u MLA u R. Momin, ka DGP kong Idashisha Nongrang, bah Gigur Myrthong EM ka KHADC kila don lang ha ba plie ia ka Mallangkona Police Outpost.
Ha ka jingkren u myntr rangbah haba plie ia kane ka police outpost la ong ba ka jingshyngiang jong ki paibah ka dei ba bynta kaba ha khmat eh jong ka sorkar, kane ka jingpan ban don ia kane ka police outpost ha kane ka jaka dei kaba la slem bha.
Kane ka jingplie ia kane ka police outpost ka phah ia ka khubor sha ki paidbah ba ka jingshong suk shong shngian ki paidbah ka long kaba kor dor tam, la ong ba ha ki jaka ba don ka jingthut kum kane ka police Outpost ka sorkar dang plie shuh shuh ban pynthikna ba ki paidbah nongshong shnong kin ioh ia ka jingshngian.
Ka jingdon kane ka Police Outpost sha jan khappud bad ka jylla Assam kan wan rah ruh ia ka jingsgew shngian ki paidbah ha khappud, la ong ba ka sorkar ka sngewthuh ia ka jingeh ki paidbah ba shong ha khappud bad ka sorkar leh ia ki kam baroh ban pyn biang ia ka jingdon kam ki paidbah.
Ia kane ka Police outpost la shna na ka skhim PIRF kaba SP jong ka District u lah ban leh khlem da don kam ia ka jingmynjur jong ka sorkar jylla, kane ka long ban pynsted ia ki jingtrei am, ia kane ka Mallangkona PO la sdang ha u snem 2019 ha ka jingbeipisa kaba T.17.5 lak tyngka na ka Police Infrastructure Renovation Fund (PIRF).
