Shillong, Rymphang 22: Ka tnad District Council Affair jong ka jylla Meghalaya kaba pyniaid ia ka MDC elkshon sha ki ar tylli ki iing dorbar thawain jong ki District Council, ka KHADC bad JHADC kila pyntip kiba poi duna eh dei ha ka 16-Nongthymmai DCC katang ki long tang 59.75% bad ba bun eh kiba poi thep vote dei ha 22-Nongspung-Sohiong DCC kila poi haduh 86.9%.
Ka jaka thep vote kaba wan bun eh ki briew ban wan thep ia ka vote jong ki dei ha 3-Maw-Ah polling station kaba hap ha ka 9-Langkyrdem-Laitkroh DCC kiba la poi haduh 96.99% kaba duna eh dei ha 59-Madanriting Thembasuk rum A kiba poi thep vote ki long tang 4.49%.
Ka jingpoi thep vote ha baroh 29 tylli ki konstitwensi jong ki MDC ha KHADC baroh haba khein kyllum kala kot sha ka 76.77%. na ka jingdon ki nongthep vote, 996178 lak ngut kiba poi thep vote ki long 764724 lak ngut. Ka jingpoi kiba thep vote katkum ki konstitwensi ki long kine.
Ka jingiatehp vote sha ka iing dorbar jong ka KHADC kala iaid beit ha baroh 29 tylli ki konstitwensi bad kam shym don kano kano ka jingthut, la iohi ba bun ki paidbah kila ia mih ban pyndep ia ka kamram jong ki ban thep vote.
