New Delhi, Nailur 06: Ha u Nailur 2024, ka Morgan Stanley ka la pynbna ba ka India ka la tam ia ka China ha kaba iadei bad ka bor jong ka ha ka MSCI Emerging Markets Investable Market Index (MSCI EM IMI). Ka bor jong ka India ha ka MSCI EM IMI ka long 22.27 per cent haba ianujor bad ka 21.58 per cent jong ka China.
Ka MSCI IMI ka kynthup 3,355 tylli ki stock bad ka kynthup ruh ia ki kompani ba heh bad kiba rit. Ka shim ia ki stock na 24 tylli ki ri ba dang kiew ki iew bad ka thmu ban peit ia kumba 85% jong ki kam pisa ha ki iew ha ki ri.
Katba ka MSCI EM index (standard index) ka peit ia ki kam kiba heh bad kiba Pdeng, ka IMI ka kynthup ia ki kam ba kham iarba kynthup ia ki cap stock ba rit, ba Pdeng bad kiba heh. Ka bor kaba kham heh jong ka India ha kaba ianujor bad ka China ha ka MSCI IMI ka wan na ka bor ki cap ba rit kiba don bad ka.
Kane ka jingkylla ka dei ka dak jong ki iew kiba kham heh. Katba ki iew ka China ki la shem jingjynjar namar ki jingeh ha ka ioh ka kot ha China, ki iew ka India ki la ioh jingmyntoi na ki jinglong jingman ha ki kam ka ioh ka kot.
Ha kine ki por ba la dep, ka India ka la ioh ki jingseisoh ba kham biang ha ki iew equity, namar ka jingkhlain ki nongrim jong ka ioh ka kot ha India bad ka jingtrei bha ki kompani jong ka India.
Shuh shuh, ki jingkiew ha ki iew equity ka India ki dei kiba iar kaba paw na ki cap ba heh, ba Pdeng bad kiba rit. Ki bynta ba kongsan kiba la wanrah ia kane ki kynthup ka jingkiew 47% ka foreign direct investment (FDI) ha ki bnai ba nyngkong jong u 2024, ka jinghiar ka dor Brent crude bad ka jingbei tyngka nabar ri ha ki iew ai ram jong ka India.
Kumta, ka MSCI ka la kyntiew ia ka bor ki stock ka India ha ki indice jong ka. Kane, ha ryngkat ka MSCI EM IMI, ka paw ruh na ka jingkiew ka bor jong ka India ha ryngkat ka jinghiar ka bor jong ka China ha ka MSCI EM Index.
Ha uLber -24 haduh u Nailar-24, ka bor jong ka India ha ka MSCI EM ka la kiew na ka 18% sha ka 20%, katba ka bor jong ka China ka la hiar na ka 25.1% sha ka 24.5% ha kane ka juh ka por.
Hadien kane ka jingkylla ha ka MSCI EM IMI, ki equity jong ka India ki lah ban sakhi jong ka jingwan kumba 4 haduh 4.5 billion USD, katkum ki jingantad ki nongpeit.
Khnang ban bat ia kane ka jingkiew ki jingbei tyngka na ka bynta ka jingkiew ka ioh ka kot bad ka roi ka par, ka India ka donkam ia ka pisa napoh bad nabar ka ri. Ha kaba iadei bad kane ka jingkiew ka bor jong ka India ha ki EM indice jong ka pyrthei ka long kaba iarap bha.
