Pynbna ka tnad elekshon ki nongthep vote ha Meghalaya ki don baroh 20,81,570 lak ngut

Shillong, U bah  FR Kharkongor  Chief Electoral Officer jong ka jylla Meghalaya u la pyntip ba ka Election Commission jong ka Ri india kala ai jingbit ban pynmih paidbah ia ka electoral roll ha Meghalaya, ia kaba yn sa pynmih paidbah la shai ka sngi ka 14th Kyllalyngkot 2022.

Ka tnad elekshon kala iathuh ba baroh ki nongthep vote ha ka jylla Meghalaya mynta baroh ki don 20,81,570  lak ngut, na kine ki shynrang ki don 10,28,395 lak ngut bad ki kynthei ki don 10,53,173 lak ngut kane ka pyni ba kham bun ki kynthei ia ki shynrang khyndiat.

Ki nongthep vote kiba don ha ka kam ki long 3,822 ngut, kiba la shim phom ban pyndap kyrteng ki don 90,000 ngut na baroh ki briew, kiba la ioh ban pynrung thymmai ha kane ka jignthoh kyrteng ki don 54,712 ngut.

Kiba dang rung kyrteng thymmai kiba hapdeng ka rta 18 haduh 19 ki don 35,980 ngut, kiba la shah weng na ka daw jong ka jingkynriah jaka ne ba ki khlad noh baroh ki don 9,051 ngut bad kiba pynbeit ia ki kyrteng bad ki jaka sah kid on 23,224 ngut.

Katkum ka khana samri jong u snem 2011 ka jingdon ki shyrnang ki long 989 ngut, katba ha eleltoral roll jong u snm 2022 ki don 1,024 ngut bad ka jingdon ki jaka thep vote ha ka jylla Meghalaya ki don 3,335 tylli ha baroh 60 tylli ki Assembly Konstitwensi ha baroh ki 12 tylli ki District bad la pynmnih thymmai 141 tylli ki jaka thep vote.

Ia ki e-EPIC lah ban sei tang na ka bynta kito kiba dang shu ioh rung kyrteng thymmai katba ia kiwei pat un leit ban pynpoi sha ki iing ki iing jong ki ha dien ka National Voters’ Day  ka ban long ha ka 25th Kyllalyngkot 2022.

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet