Shillong, Jymmang 03: U myntri ba dei khmih ia ka tnad Social Welfare ka sorkar Jylla u bah Paul Lyngdoh mynta ka sngi ka 3 tarik u Jymmang 2024 u la pyntip ba ka tnad kan pynduhnoh ia ka shithi.
Kane ka shithi kaba la pynduh dei kaba kala phah sha ki ophis jong ki Deputy Commissinor jong ka East Khasi Hills District bad ka West Khasi Hills Distrrict ha ka 21 tarik u Naitung 2020 bad kdew ba kane ka shithi kam long halor ia ka Khasi Hills Autonomous District Khasi Social custom of Linage Act 1997.
Ha ba iakren bad ki ladpathai khubor u bah Paul Lyngdoh u la ong ba kano kano ka Administrative order kam long halor ia kano kano ka Act jong ka Parliament ka iing Dorbar Thawain ka Sorkar Jylla lane ia ki Autonomous District Council.
U la ong ruh ba la shim ia kane karai ha ka jingialang ka ba la long ha ka 28 tarik u Rymphang 2024 ha kane ka jingialng ha katei ka sngi ka la ioh ban ia thier halor ka jingpynbeit ia ka Office Memorandum ka ba la pynmih ha ka 13 tarik u Lyber 2014 da ka tnad ha ka ba la rai ban bysuh ha katei ka Memorandun ba ka Khasi Hills Autonomous District council kan dei kawei ka bor ban ai ia ki Tribes Certificate.
U bah Lyngdoh u la ongruh ba la da peit ia ki District ki ba long kum ki nongri nongkdup ia kaban pynskhem ia ki ain ba la don lupa ha ka ba kimlah ban lehpyrshah ia ki ain ne ki jingbudryntieh ia ki jingpyniaid ki ba na duh ki por barim ka ba long ka jingshim jaid na ka kmie.
Kane ka Linage Act kan pynskhem ia kata bad na kata kadaw kam ym don kano kano ka order Jongno Jongno ka ban lah ban long kham halo ria ka Ain ba la dep ban phah da ka District Council bad ba la ioh jingmynjur na u Lat ka jylla.
U bah Lyndoh u la ongruh ba ha kine ki khyndiat bnai ba la dep ki la don ki kato katne ki kynhun ki ba la wan ban ia kynduh ia u ha poh ka jingialam ka seng HYC ban ia kren ha ka ba iadei bad kane ka administrative order ha ka ba la pynmih da ka office jong ka tnad Social Welfare ha u snem 2020.
