Shillong, Nohprah 23: Ki pulit ka nongbah Shillong kila ioh ia kawei ka jingujor na u wei u rangbah ba ha ka 30/10/2025 ba la don ba phone ia u bad u ta u nongphone la ong ba la dep ban ai ia ka ram ‘Dhani Loan’ ha ka kyrteng jong u na ka wei ka kynhun bad haduh mynta pat siew ia kane ka ram.
Haba ia dei bad kane u ba ujor ia kane ka ejahar u la leit ban peit sha bank kaba u don ia ka akkount, na ka liang jong ka bank kala ong ba kam shym don kano kano ka pisa kaba wan ha ka akkount ba kan dei ka ram, hynrei kaba pynlyngoh ka long ba ia ka akkount jong u la pyniasoh bad katei ka kynhun airam.
Haba ia dei bad kane la shem ba ki briew kiba ymlah ban tip kila pyndon kam ia ka PAN bad ia ka Aadhaar kard jong u ban shim ia kane ka ram na katei ka kynhun airam, haba ia dei bad kane ki pulit kila register ia kane ka jingujor ban thwet ia ki nongleh kam sniew.
