Shillong, Naitung 4: Ka Khasi Students’ Union NEIAH Unit ha ryngkat ka jingiatreilang bad Ka Kyrmen Foundation, ka NEIAH (North Eastern Institute of Ayurveda and Homoeopathy), bad ka NEHU Students’ Union, ki la lah ban pynlong ïa ka Voluntary blood donation camp ha NEIAH ha 02 tarik mynta u bnai Naitung.Ka thong jong kane ka camp ka long ban iarap iaki paidbah ha ka por ba ki donkam iaka snam hapdeng ka jingwan sumar jong ki jong ki . Ha kane ka camp ngi lah ioh ban sakhi ia ka jingshim bynta jong ki 75 ngut na ki samla pule jong ka skul bah NEIAH kiba la wan shakhmat ban pyni shai ïa ka mynsiem sngewlem bad ka jing kitkhlieh na bynta kiwei.
Kum ka dak ka jingsngewnguh, la ai sngewbha sha ki, da ki certificate, ki jingbam jingdih bad ki mementos ban pynpaw ia ka jnglong la kloi jng ki ban wan shakhmat.
Ka President jong ka Kyrmen Foundation, ka kong Cornellia Dkhar bad ka Secretary, Mrs. Simi Kongthiang, ki la pynpaw ka jingsngewnguh sha ka skul bah NEIAH, KSU NEIAH UNIT bd ka NEHUSU, ba kane ka program ka long kaba iaid beit iaid ryntih.
Ka Kyrmen Foundation, ka Khasi Students’ Union NEIAH Unit, ka NEHU Students’ Union bad u Director jong ka NEIAH ki pynpaw ka jingsngewnguh halor ka jing long la kloi jong ki nongshim bynta ban wan shakhmat bad khmih lynti ruh ban ïatreilang nangne shakhmat ha kino kino ki kam.
Kane ka long katkum ka kyrwoh khubor ba la phah da u samla K. Nongkynrih uba dei u President ka KSU-NEIAH UNIT.
